ജറുസലേം: ലെബനനിൽനിന്ന് ഇസ്രയേലിലേക്കു ഹിസ്ബുള്ള ഭീകരർ വ്യാപക മിസൈൽ ആക്രമണം നടത്തിയതായി ഇസ്രയേൽ സൈന്യം. ആക്രമണത്തിൽ ആളപായം റിപ്പോർട്ട് ചെയ്തിട്ടില്ല.
ഇന്നു പുലർച്ചയോടെ രാജ്യത്തിന്‍റെ വടക്കൻ‌മേഖല ലക്ഷ്യമാക്കി 50 ഓളം മിസൈലുകളാണ് ലെബനനിൽ നിന്നു തൊടുത്തുവിട്ടതെന്ന് സൈന്യം അറിയിച്ചു. മിസൈലുകൾ ചിലതു തകർക്കുകയും ചിലതു നിലത്തു പതിക്കുകയും ചെയ്തു.
അതേസമയം, സഫേദ് പട്ടണത്തിലേക്ക് മിസൈലുകൾ വിക്ഷേപിച്ചതായി ഹിസ്ബുള്ള പറഞ്ഞു. കൂടുതൽ വിവരങ്ങൾ ലഭ്യമല്ല.
